Treningsplan NY SEPT. 2011

Aktivitetstilbod 2010
Terminliste
Styret og verv
Tysdagsrenn 2012
Styremøte
Refusjonsrutiner
Ansvarshavande 2012
PREPARERTE SKILØYPER
VERSTASJON

NYTT KØYREMØNSTER PÅ SOLSETER Styret i langrennsgruppa har i møte med grunneigarane og Statens Vegvesen, kome fram til ein avtale om køyremønster på Solseter. Kort fortalt betyr det at du køyrer opp og rundt "kafeen" når du kjem til Solseter. Når du skal heim kan du køyre ned den private vegen frå parkeringsplassen. Langrennsgruppa oppfordrar alle brukarar av anlegget om å respektere avtalen. SJÅ INFO OG KART HER GOL OG HALLINGDAL MARKERTE SEG KRAFTIG I KM Det vart eit fantastisk KM for Gol og Hallingdal i helga. Emil I. Brøto og Emilie Fleten sørga for i alt tre KM-titlar. I tillegg hanka både Nesbyen, Hemsedal, Hol og Geilo inn sigrar. Hallingdal er BEST! Emil kunne, som Emilie ha teke to titlar men hadde ikkje marginane på si side søndag, og var ni sekund bak vinnaren Petter Bergmann. Laurdag var Emil klart best, og vann med 17 sekund i klassisk. Emilie var og heilt suveren. Ellers gjorde Kari Rese Magnetun og Liv Birgit Jorde gode prestasjonar, medan Jonas Køso Svarstad og Morten Rese gjorde det svært sterkt laurdag. Resultat KM: KLASSISK FRISTIL EMILIE HEILT I NOREGSTOPPEN Emilie Fleten er endeleg skikkeleg i gang med langrenns-sesongen .Under Noregs-cupen på Lygna (ved Raufoss) markerte ho seg sterkt som den beste løparen rett etter dei aller beste. Imponerande var det og at ho var like god i fristil og klassisk , med hv. sjette- og åttandeplass. Resultat Norgescup Lygna :FRISTIL KLASSISK DOMINERTE EGGEDALSRENNET Fleire løparar frå Gol deltok i Eggedalsrennet laurdag (7/1). Deltakinga i klassane Golingane deltok i var brukbar, og dei gjorde nesten reint bord. I J-14 tok Kari Rese Magnetun ein sterk 2. plass på ei god tid. I G-14 vann Emil Intelhus Brøto suverent, medan Ola F. Smaaberg følgde opp med ein fin 4. plass. G-15 vart vunne av Jonas Køso Svarstad føre Morten Rese. Flott! Inga Køso Svarstad debuterte som konkurraseløpar, og gjorde ein flott innsats. RESULTAT EGGEDALSRENNET EMIL HERJAR - I LANGRENNSLØYPENE! Emil Intelhus Brøto er nesten like vanskelig å møte som namnebroren som nettopp passerte oss sovidt. Han har hevda seg i toppen i alle løpa han har delteke i denne sesongen. Fleire andre Golingsløparar viser og gode takter, noko som lovar godt for sesongen. Resultatlister: Konnerudrennet Ribberennet Nyttårsrennet Beito GOLRENN MED REKORDDELTAKING Golrennet 2011 vart ein kjempesuksess. Heile 273 konkurransesvoltne deltakarar gjorde rennet til ei flott oppleving. Av våre løparar, var det også denne gongen Emil Intelhus som gjorde det best med ein andreplass i ei knallhard klasse i gutar 14 år. RESULTATLISTE GOLRENNET 2011 NY TERMINLISTE FOR BUSKERUD Terminlista for Buskerud komande sesong er klar. Den inneheld og turløp, samt Norgescup og NM. Nokre andre større renn er og med. Lista vil bli liggande i høgre kolonne på nettsida gjennom sesongen. SJÅ TERMINLISTA HER FACEBOOK-GRUPPE FOR AKTIVE LØPARAR Det er oppretta Facebook-gruppe for aktive løparar. Bli med og følg med på små og store hendingar. Lenke til Facebook-sida VIKTIG INFO OM SKI-LISENS Norges Skiforbund har sendt ut ny informasjon om skilisensen for sesongen 2011-2012. Dette er svært viktig informasjon for dei aktive løparane våre. Les nøye! Info er og sendt på e-post. Info om ski-lisens BASIS/BARMARKSTRENING TYSDAGAR HUGS basis/barmarkstrening tysdagar på Gol skule kl. 19.00. Tilbodet er ope for alle interesserte frå 11 - 50! år......... NB! RULLESKITRENINGA TORSDAG KL 19.00 BLIR FLYTTA TIL ECO ETTER HAUSTFERIEN SJÅ SKRIV HER! SJÅ NY AKTIVITETSPLAN HER! FLOTT AVSLUTNING FOR TYSDAGSRENN Tysdag 12. april var det premieutdeling for tysdagsrenna 2010-2011 på Vonheim. Masse folk hadde møtt fram, og premie vart det på alle. Klassane 11 og 12 år fekk og medaljar for klubbmeisterskap i klassisk og fristil. Dei 11 renna har i gjennomsnitt hatt 100 deltakarar. 179 personar har gått eitt eller fleire renn, og det er i alt registrert heile 1089 startar! Dersom nokon ikkje har fått premie - ring Stein Hefte på 91866729 - så blir det nok ei råd. Takk for i år! UNGDOMMENS HOLMENKOLLRENN 2011 (TRYKK HER FOR VIDEO) Ungdommens Holmenkollrenn gjekk av stabelen i helga. Alle løparane våre presterte opp mot sitt beste. Aller høgast på lista kom Emil Intelhus Brøto med ein knallsterk sjetteplass på 3 km klassisk. Jonas Køso Svarstad overraska og med ein flott 29. plass i fristil søndag. Ellers som sagt - kjempebra innsats! RESULTAT UNGDOMMENS HOLMENKOLLRENN KLASSISK RESULTAT UNGDOMMENS HOLMENKOLLRENN FRISTIL KLUBBMEISTERSKAP I VÅRSOL! Det var vårsol og flotte forhold når langrennsgruppa arrangerte klubbmeisterskap i fristil tysdag denne veka. Dei 53 løparane ytte og sitt aller beste. Vel i mål fekk dei yngste medalje, og alle fekk nygrilla pølser og saft. Det var flest deltakarar i dei yngste klassane, og nesten ingen i dei eldste. Det er ei utfordring for langrennsgruppa! RESULTAT KLUBBMEISTERSKAP FRISTIL 2011 EMILIE NUMMER SEKS I NC-FINALEN! I dag (søndag 27. mars) gjorde Emilie Fleten ein av sine sterkaste prestasjonar i karrieren. I den knallharde klassen sin (J.19/20) vart ho nummer seks på 5+5 km pursuit (skibyte). Utruleg bra! Godt gjekk og Rannveig Jegleim som vart nummer 13. Flott avslutning på sesongen! Ingen av dei nådde heilt opp på sprinten laurdag. Pål var heller ikkje heldig laurdag, med ein plass langt bak i køen på 50 km fristil (NM). RESULTAT NORGESCUPFINALEN PURSUIT FLOTT LANGRENNSHELG PÅ GEILO! foto: Reidun Storeli Rese Geilo IL sto som arrangør av ei flott langrennshelg - 26. - 27. mars. Laurdag gjekk løparane duatghlon (skibyte), medan det var jaktstart på søndag. Dei yngste løparane gjekk to vanlege renn. Nok ein gong var det Emil Intelhus Brøto som gjekk sterkast av løparane våre. Etter ein klar siger laurdag, auka han berre avstanden til konkurrentane på jaktstarten søndag. Kari Rese Magnetun, Morten Rese og Ola F. Smaaberg gjorde og sine saker bra. I dei yngste klassene var Ingrid Jøtun Fauske einaste deltakar frå Gol, men ho gjekk også svært bra! Resultat geilorennet laurdag Resultat Geilorennet jaktstart søndag GOD SPRINT-HELG FOR GOLINGANE Sist helg var fleire golingar på sprint-KM i Spikkestad. Som "vanleg" vart det fleire gode resultat på løparane våre. Aller best var Rannveig Jegleim som vart kretsmester. Emil I. Brøto gjorde også sakene sine svært bra, og tok sølv. Emilie Fleten vart nummer tre og Morten Rese (biletet) nummer fem i sine klasser. Samanlagt i Sparebank 1 Cup vart det dobbeltsiger ved Rannveig og Emilie, medan Emil vart nummer to! foto: Reidun Storeli Rese RESULTAT KM SPRINT FANTASTISK LANGRENNSHELG FOR GOL Helga 11. - 13. mars 2011 vil lenge stå som ein milepæl for langrennsgruppa i Gol IL. For fyrste gong i historia sto ein goling på pallen i eit verdscuprenn. Pål Golberg sjokkerte alle med bronse på sprinten i Lahti. Samstundes vart Emil Intelhus Brøto nummer tre i Ungdomsbirken. Rannveig Jegleim og Emilie Fleten markerte seg nok ein gong i jr-NM. LES MEIR OM LANGRENNSHELGA HER GOL SKICROSS AV STABELEN FOR FYRSTE GONG Laurdag 5. mars vart fyrste utgåve av Gol Skicross arrangert. Dermed er det nye skicrossanlegget vårt "innvia". Dessverre stilte berre 42 løparar til start.  Grunna vinterferie har vi førebels berre med resultatlista, men vi kjem attende med meir. RESULTAT GOL SKICROSS TEKNIKK-KURS FOR DAMER Gol IL, langrennsgruppa arrangerer teknikk-kurs for damer. Kurset er i klassisk stil, og er for vanlege turløparar. Les meir HER om kurset og for å melde deg på! STERK SIGER AV EMIL I SKRAUTVÅLRENNET Emil Intelhus viste nok ein gong svært god form forrege helg ved å vinne Skrautvålrennet klart. Det deltok 19 gutar i klasse G-13, og Emil var 25 sekund før nummer to! Også Ingrid Jøtun Fauske deltok, og gjorde ein fin innsats i rennet. RESULTAT SKRAUTVÅL FIN INNSATS AV THEA I HOVEDLANDSRENNET foto: Knut Oscar Fleten The Fleten  gjorde sine saker svært bra under Hovedlandsrennet i Trondheim i helga. Ho starta flott med 5km fristil der ho vart nummer 51 av i alt 118 løparar, 1.35 bak vinnaren. Sprinten laurdag gjekk ikkje fullt so bra, noko litt bakglatte ski må ta ein del av skulda for. Søndag gjekk ho ei god etappe for Buskerud sitt andrelag, som vart nummer 27 av 59 deltakande lag  Fin innsats! Alle resultat frå Hovedlandsrennet EMIL VANN PÅ LIATOPPEN Emil Intelhus Brøto vart Gols einaste klassevinnar under Ålrennet og Showrennet på Liatoppen. For fyrste gong på fleire år slo han "erkerival" Mathias Skrede i fristil. Dei andre golingane viste og god innsats under flotte, men litt kalde, forhold på Liatoppen. Emil, Jonas og dei andre golingane følgde fint opp under showrennet på søndag. Løparar frå Gol gjorde seg og sterkt bemerka under Gaurhovdrennet same dag. RESULTAT ÅLRENNET RESULTAT SHOWRENNET OG GAURHOVDRENNET GOD NORGESCUPHELG PÅ BEITOSTØLEN Pål Golberg vart beste Golings-løpar under norgescupen på Beitostølen denne helga. Med ein sterk andreplass på 10 km klassisk bekrefta Pål at han har etablert seg i sjiktet under landslagsløparane. Emilie Fleten vart best av jentene med ein fin 11-plass i fristil, medan Rannveig Jegleim vart best av dei to - og nummer 17 på 5 km klassisk. Resultat laurdag, klassisk Resultat søndag, fristil FLOTTE RESULTAT I MADSHUSSPRINTEN Golingane gjorde seg særs bemerka i Madshussprinten på Biri, laurdag. Emil Intelhus Brøto imponerte stort med siger i prologen. Han leda og heile finaleheatet, men vart sovidt slått av ein løpar i spurten. Utruleg sterkt. Morten Rese var eit sekund frå A-finale, men var heilt suveren i B-finalen, og vart nummer 7. Resultat Madshussprinten 2011 SVÆRT VELLYKKA HALLINGRENN Hallingrennet 2011 gjekk av stabelen frå Oset Høyfjellshotell søndag 6. februar. Omlag 350  konkurranse- og trimløparar deltok. Les meir her RESULTAT HALLINGRENNET 2011 Les meir om Hallingtrippelen her GOD OPPSLUTNING OM KLUBBMESTERSKAP Heile 58 deltakarar stilte til start i klubbmeisterskapen i klassisk stil tysdag. Alle ytte sitt aller beste og susa rundt løypa så fort dei kunne. Spesielt var det mange deltakarar i dei yngste klassene. Flott! Her er resultata frå klubbmeisterskapen NY TOPPLASSERING I NM - NR 11 I DAG Stafettjentene våre, Rannveig, Emilie og Liv Birgit, forbetra seg ein plass frå i fjor, og vart nummer 11 i årets NM-stafett. Alle tre gjekk gode og jamne løp, noko som resulterte i den flotte plasseringa. GRATULERER Resultat NM stafett RESULTAT BROMMASPRINTEN Brommasprinten vart arrangert i helga.Gol stilte med fleire løparar som ordna fleire klassesigrar.  Her er resultata. PÅL NUMMER FIRE PÅ NM-SPRINTEN I konkurranse med dei aller beste sprinterane gjekk Pål Golberg i dag inn til ein fantastisk fjerdeplass i sprint-NM i Steinkjer. Vi gratulerer! Liv Birgit Jorde gjekk og vidare frå prologen som nummer 25!, men møtte overmakta i kvartfinalen. Resultat sprint-NM, herrer. Resultat sprint-NM damer FLOTT KM-HELG FOR LØPARANE VÅRE KM-helga på Ringkollen og på Kleiva i Hole vart ein suksess for løparane våre. Både Rannveig og Emilie vart kretsmeistrar, og Emil Intelhus Brøto var nær på laurdag. Thea Fleten og Liv Birgit Jorde kjempa i toppen, og Morten Rese nærmar seg stadig.  To nye løparar av året, Fredrik Nibstad Støbak og Jonas Køso Svarstad, debuterte i KM med flott innsats. RESULTAT KM KLASSISK RESULTAT KM FRI TEKNIKK OPPSETT HALLINGDALSKARUSELLEN Oppsettet for Hallingdalskarusellen er klart. Nytt av året er mellom anna at Golsfjellet Rundt startar ved Oset Høyfjellshotell. Sjå og linken til "HALLINGTRIPPELEN" der du mellom anna kan melde deg på til Golsfjellet Rundt! SJÅ OPPSETT FOR HALLINGDALSKARUSELLEN HER SKILEIK PÅ TYSDAGSRENNET Som vanleg er det skileik for aldersgruppa 8-12 år kvar tysdag, kl. 17.30 - 18.30. Lars ventar på dykk ved tidtakarbua! Skileiken er ein del av tysdagsrennet - meld dykk på som vanleg. NYE STARTNUMMER FRÅ MONTÉR Langrennsgruppa har fått nye startnummer frå Montér. Dei nye startnummera har, i tillegg til Montér-logo og nummer, fått påskrive namnet Solseter. Langrennsgruppa er svært takksame for gåva, som har ein verdi på 20-25.00 kroner! EMIL OG RANNVEIG VANN PÅ ÅRBOGEN Emil Intelhus Brøto og Rannveig Jegleim vart klassevinnarar i Årbogensprinten i dag, laurdag. Dei andre Golingane gjorde og flotte løp! RESULTAT ÅRBOGENSPRINTEN FLOTT GJENNOMFØRT NORGES-CUP Norgescupen på Liatoppen heldt fram laurdag (sprint) og søndag. Laurdag i snø og litt gufne forhold. Søndag skein sola, og temperaturen steig nokre grader. Laurdag tok Rannveig Jegleim seg til kvartfinalen, men vart slått ut der. Fin prestasjon. Søndag var Emilie Fleten best med ein sterk 13-plass på 10 kilometer klassisk. Rannveig kom i mål som nummer 20. Lars F. Smaaberg viste og bra framgang på sin 10-kilometer. RESULTATSIDE SPAR CUP LIATOPPEN NORGESCUPEN I GANG PÅ LIATOPPEN Av dei fire løparane våre som starta på Liatoppen i dag var det Emilie Fleten (biletet) og Rannveig Jegleim som leverte dei beste prestasjonane, med henholdsvis 14. og 28. plass i K 19/20. Sterke prestasjonar av begge 19-åringane. For Marthe Hanssen og Lars Fivelstad Smaaberg vart plasseringane meir beskjedne, sjølv om begge gjekk fine løp. KLART FOR NORGESCUP PÅ LIATOPPEN Mange lokale junior-løparar er klare for Norges-cup (SPAR-Cup) på Liatoppen til helga (7.-9./1). Fjellet IL arrangerer cupen som strekker seg frå fredag til søndag. Fredag er det fristil, laurdag klassisk sprint, og søndag er distansane i klassisk stil. NB! Løpa gjeld og som uttak til junior-VM. MØT OPP og hei fram lokale løparar og norges beste juniorar. Les meir på arrangøren sine heimesider NY TRENINGS/AKTIVITETSPLAN Treningsplan for resten av vintersesongen er no lagt ut (pr. 31.12.10). Sjekk den nøye! Hugs og oppsett for tysdagsrenn. Aktive løparar må sjekke terminlistene i høgre rubrikk. MASKINKØYRDE SKILØYPER PÅ STOREFJELL Det er no køyrt opp løype i ei sløyfe på omlag sju kilometer  ut frå Storefjell. Løypene er fine, men har litt kvist på to parti. foto: Arne Nibstad "NYE" SOLSETER SKIANLEGG FERDIG TEIKNA Det nye skianlegget på Solseter ligg no ferdig på teiknebrettet. Anlegget er teikna av Pål Rørby, og blir utan tvil eit flott anlegg når det står ferdig. Skicrossanlegget er planert ferdig i haust og bygging av varmestove er i full gang. Treningsanlegg for skiskyting er og på plass. HER kan du sjå heile biletet av "NYE" SOLSETER GOLRENNET FLOTT AVVIKLA PÅ GEILO Per Olav Hagen Hallingstad i full fart mot mål. Det var heilt til det siste usikkert om Golrennet kunne gå av stabelen som planlagt. Det gjekk akkurat. Klokka elleve søndag kraup temperaturen på Geilo opp mot 14 grader. Ivrige løparar frå Buskerud, Oppland, Oslo og deler av Vestlandet kunne difor kaste seg ut i løypene med full innsats. Resultata vart nok litt prega av kulda, og at nokon hadde fått fleire timar på ski enn andre. Uansett det vart ein flott start på skiseongen for mange. Fullstendig resultatliste  Golrennet 2010 Resultat PDF GJENNOMBROT I VERDSCUPEN - NR 12 I SPRINT Pål Golberg slo gjennom i verdscupen men ein smell i Düsseldorf i dag, laurdag. Pål vart nummer 19 i prologen, vann si kvartfinale!!! og leda semifinaleheatet lenge. Uflaks og manglande rutine øydela kanskje for ein sensasjonell finale. Uansett, tolvte-plassen i dag vart det store gjennombrotet for Pål! INVITASJON TIL KLUBBSAMLING PÅ BEITOSTØLEN! Det blir klubbsamling for unge og eldre løparar på Beitostølen laurdag 11. - søndag 12. desember. Det blir ei flott førjulssamling med fire treningsøkter, julebord og mykje moro. Les infobrevet her og meld dykk på innan fredag 26. november! KLASSISK-LØYPE På Brautemo-vegen! Frå velinformert hald får vi vite at det no (29.11) er bra klassiskforhold på Brautemo-vegen (eit stykke forbi Solseter). OPPSTART BASISTRENING 8-12 ÅR ENDELEG! er det oppstart med basistrening for aldersgruppa 8-12 år.  Treningane blir på Hallingdal Folkehøgskule (Skaga), kvar onsdag frå kl. 17.30 til 18.30. Oppstart onsdag 27. oktober. LES MEIR HER ÅPNE KRETSSAMLINGAR - JUNIOR OG SENIOR Buskerud Skikrets arrangerer i sommar og til hausten opne kretssamlingar. Fyrste samling er i Drammen 17. - 20. juni. Les meir her OVERSIKT OVER KOMANDE SAMLINGAR Det blir arrangert arrangert mange samlingar framover. Her er ei oversikt over nokre av dei VERDIG AVSLUTNING - ORDFØRAREN DELTE UT ROSE TIL LØPARAR OG TRENARAR! Det vart ei verdig avslutning for dei aktive løparane våre på Storefjell Resort Hotel fredg 23. april. Etter ein knallsesong med ein dobbel juniorverdsmeister, fleire topplasseringar i norgescupen og 12-plass i NM-stafetten for damer, låg det an til ei flott feiring. Og det vart det! Ordførar Olaug var invitert til festen, og kvitterte med å dele ut ei rose til alle aktive løparar og trenarane! Som vanleg vart det pizza, brus, kaffe og kaker, og ein bildekavalkade. Takk for ein flott sesong! VERDENSMESTER OG KLUBBMESTER! Pål Golberg krona ein stor sesong med å bli klubbmester sist laurdag. Rett nok var konkurransen liten, men klubben set stor pris på at du stilte opp, Pål! Alle løparane deltok med liv og lyst, ikkje minst Thea Flaget (biletet til høgre). NB!Det hadde snike seg inn eirt par feil på den første resultatlista. No skal alt vere i orden KORRIGERT RESULTATLISTE KLUBBMEISTER- SKAP FRISTIL 2010 Solid avslutning av Norgescupen Både Pål, Emilie og Rannveig leverte gode løp i Norgescupfinalen på Tolga i starten av påska. Med det sette dei eit verdig punktum for ein god sesong, der alle tre har vore heilt i Norgestoppen heile vinteren. Pål enda som nummer 3 samanlagt, Rannveig nummer 8 og Emilie nummerr 9. Les fullstendige resultat på sidene til langrenn.com farTSfylt avslutning med labb og line! foto: Ola Fivelstad Smaaberg Tysdagsrenna vat i år og avslutta med Labb og Line-renn. Under flotte forhold deltok heile 111 løparar med liv og lyst - noko vi ser av biletet. Etterpå vart det premie, bolle og saft. Alt arrangert og sponsa av Sparebnk 1. EMIL HEILT I TOPPEN I UNGDOMSBIRKEN Langrennsløparane våre gjorde ein svært god innsats i Ungdomsbirken forrege søndag. Best vart Emil Intelhus Brøto, som låg på 8. plass før utforkøyringane ned til Lillehammer. Han heldt denne plasseringa heilt til mål. Ein svært sterk prestasjon. Morten Rese, Kari Rese Magnetun, Ola Fivelstad Smaaberg, Thea Fleten og Eivind Vestenfor fullførte og dei omlag 17 kilometra på ein flott måte! RESULTAT    G 12 J 12 G 13 J 15 TIL TOPPS I KM SPRINT Nok ein gong var juniorjentene våre best i Buskerud. Under KM i sprint på Liatoppen sist helg, vart Emilie og Liv Birgit kretsmeistrar, medan Rannveig berre var sekundet bak Emilie. Fleire andre av løparane vår gjekk knallbra, og har all grunn til å vere fornøgde. resultat:     prolog   finalar km stafett bergsjørennet VERSTASJON PÅ PLASS PÅ SOLSETER Med hjelp og støtte av vår sposor Storefjell Resort Hotel, er det no på plass ein avansert verstasjon på Solseter. Stasjonen er trådlaus og viser temperatur, vid, lufttrykk etc....... Vi vonar verstasjonen vil vere til stor nytte for alle brukarar av løypenettet på Solseter og Golsfjellet!. VERSTASJON SOLSETER. TRYKK HER! FLOTT KLUBBMESTERSKAP TYSDAG 60 DELTAKARAR! Tysdag 9. mars vart det avvikla klubbmeisterskap i klassisk stil. Heile 60 deltakarar møtte opp. Dei minste fekk sine velfortente medaljer etter rennet, medan dei litt eldre må vente til litt seinare. RESULTAT KLUBBMESTERSKAP KLASSISK Sensasjonell FJERDEPLASS TIL EMILIE PÅL nummer fire i fristil - sølv i stafetten Emilie Fleten følgde opp den sterke NM-opninga med ein knallsterk fjerdeplass under junior-NM laurdag. Pål Golberg viste samstundes bedre takter. Han vart og nummer fire, men var 1, 5 sure sekund bak Thomas Northug på bronseplasen. Søndag revansjerte Pål seg kraftig - gjekk ei suveren andreetappe på stafetten, og var sterkt delaktig i at Buskerud tok NM-sølv Sjå resultata på NM-sidene her EMILIE IMPONERTE I NM-OPNINGA Emilie Fleten imponerte mest av golingane då Jr-NM i langrenn vart opna i dag under fantastiske forhold i Markane i Stryn. Emilie vart nr 7, men var berre tideler bak fjerdeplassen. Rannveig Jegleim følgde fint opp med å bli nummer 11, sjølv om ho nok var litt skuffa. Pål Golberg hadde ingen god dag og braut, det same gjorde Anders E. Bjåland. Lars F. Smaaberg vart nr 120 av dei 183 deltakarane i klassen sin. Les meir her Sjå resultata på NM-sidene her VELLUKKA GOLSFJELLET RUNDT OG GOL SKIATHLON Golsfjellet Rundt og Gol Skiathlon vart avvikla under svært gode forhold i dag, søndag 14. februar. Rekorddeltaking i Golsfjellet Rundt, samt godt ver og føre skapte ei flott ramme rundt arrangementet. Les meir her KOMPLETT RESULTATLISTE RESULTATLISTE pdf-format Stor Norgescup-helg på Hovden Dei eldste løparane våre hadde ei stor helg under Norgescupen på Hovden. To gull og ei bronse, samt fleire fine plasseringar vart fasiten. Les meir her RESULTATSIDE NC HOVDEN RESULTAT TYSDAGSRENN Det er so langt avvikla to tysdagsrenn med tidtaking. HER ER RESULTATA MORTEN VANN SPRINTEN I TOUR DE SKI (RINGERIKE) - OLA NR TO I EGGEÅSRENNET Morten Rese (G13) var ein av to golingar i aksjon i helga. Han gjorde sine saker kjempebra, og vann sprinten i Tour de Ski Ringerike. I tillegg vart han nummer fire i den avsluttande klatringa i alpinbakken! Flott. I Valdres gjekk Ola F. Smaaberg (G12) inn til andreplass i Eggeåsrennet. Ola kjempa mot ein av dei beste løparane i Oppland, Håkon T. Gulbrandsen, og vart slått med drygt 15 sekund. Resultat Tour de Ski Ringerike  sprint Resultat Eggeåsrennet Resultat Tour de Ski Ringerike  alpinbakken opp PÅL HEIM MED TO GULL OG EIT SØLV FRÅ VM Pål Golberg vart denne veka historisk. Med tre medaljer frå junior-VM - to gull og eit sølv - er han unik i lagshistoria til Gol IL. Pål dokumenterte at han kan prestere på høgstå nivå både i sprint, distanse og i stafett. Det står det respekt av, og må markerast både av Gol IL, langrennsgruppa og av Gol kommune! Vi vil fylgje opp Pål sine prestasjonar så snart vi har fått bilete frå Hinterzarten. Les ellers fyldige reportasjar om junior-VM og Pål på langrenn.com REINT BORD AV JENTENE OG EMIL I KM Kretsmeisterskapen i langrenn på Konneud og Kongsberg i helga, vart ein styrke-demonstrasjon av dei beste løparane våre. Rannveig, Liv Birgit og Emil tok kvar sine to fyrsteplassar, medan Emilie fekk  ein andre- og ein tredjeplass.  I tilegg leverte dei andre løparane våre mange gode løp, sjølv om det ikkje vart pallplass. FLOTT INNSATS! RESULTAT KM KLASSISK RESULTAT KM FRISTIL STOREFJELL NY HOVUDSPONSOR FOR LANGRENNSGRUPPA - KJEMPETILBUD PÅ LUNSJ I samband med at Storefjell Høyjellshotell har blitt vår nye hovudsponsor, kan våre medlemmer for ein svært billegg penge no nyte flott lunsjbuffe på Storefjell. LES MEIR HER OM DETTE FLOTTE TILBODET HER INFO OM TILBODET VÅRT TIL TIL ALLE HUSSTANDAR I GOL Styret i langrennsgruppa har laga eit infoskriv om aktivitetar og tilbod gruppa har. Skrivet er sendt til alle husstandar i Gol, men du kan også lese skrivet her, og kanskje bli med oss du og! LES INFOSKRIVET HER SENSASJONELL NM-STAFETT AV JENTENE foto: knut oscar fleten Emilie, Rannveig og Liv Birgit gjekk i dag, søndag, ein utruleg NM-stafett. Tolvteplass i seniorklassen, med to jenter som går i nest yngste juniorklasse er utruleg bra. Liv Birgit hadde femte beste etappetid på siste etappe, Rannveig hadde tiande beste tid på andre etappe, og Emilie var berre drøyt halvanna minutt bak Therese Johaug på førsteetappen! VI GRATULERER! Sjå resultata frå stafetten her OPPSIKTSVEKKANDE NM-PROLOG AV PÅL NUMMER TRE I PROLOGEN - SLÅTT UT I "KVARTEN" Pål Golberg gjekk ein sensasjonell sprintprolog i senior-NM i dag fredag, og vart nummer tre, berre slått av to av verdas beste sprintarar. Eit uheldig sporvalg på slutten av kvartfinalen øydela dessverre seinare for Pål, og han gjekk ikkje vidare til semifinalen. No reiser Pål til Junior-VM, der han skal gå ALLE! distansar og er ein av fleire norske medaljehåp. Lykke til! Liv Birgit Jorde vart nr. 38 i dameklassen. RESULTATSIDE NM SENIOR STOKKE KLASSESIGRAR TIL RANNVEIG OG PÅL I RIBBERENET Pål Golberg og Rannveig Jegleim viste knallsterk form, og vann Ribberennet på Liatoppen i romjula. Emilie Fleten (på biletet saman med Rannveig) viste og god form, medan Emil Intelhus Brøto også gjekk svært bra i sin klasse. RESULTAT RIBBERENNET 2009 PÅL SUVERENT BEST I NORGE Pål Golberg er Norges suverent beste junior-langrennsløpar.  Det betyr og at han er sjølvskreven til junior-VM. Spar-CUP på Lillehammer denne helga var mønstringsrenn nettopp til Junior-VM. Pål var knusande overlegen både på 10 km klassisk (laurdag) og sprinten søndag. Rannveig Jegleim følgde og bra opp med ein sterk sjuandeplass på 5 km klassisk laurdag. (Biletet viser Pål over målstreken laurdag.) Sjå resultata her KLART FOR TYSDAGSRENN OVER NYTTÅR Tysdag 5. januar 2010 startar tysdagsrenna oppatt. Ta med skia og ungane og møt opp på Solseter rett etter jule- og nyttårsfeiringa. NB! Det er nydelege forhold på Solseter no og, så det er berre å ta turen i jula og! Les info og liste over "funksjonærar" her FLOTT GOLRENN MED SUPRE FORHOLD Dei flotte forholda på Solseter under Golrennet i dag,.overraska nok mange av dei tilreisenda frå meir snøfattige strøk. Rennet vart godt avvikla, og også i dag med fleire gode lokale prestasjonar. I dag var det likevel Kjetil Andre Bjerkrheim frå Nesbyen som imponerte mest. Han utklassa konkurrentane, og slo mellom anna Norges beste 17-åring Sondre Fossli klart. Sjå resultata frå Golrennet 2009 her Mange klassesigrar i Gravsetrennet Gravsetrennet vart avvikla i dag, laurdag 5. desember. Løparane våre slo til med fleire imponerande klassesigrar og plasseringar. Emil, Rannveig (biletet)., Emilie, Anders og Liv Birgit viste svært solide takter iløypene i Hemsedal. Resultat: PDF Html

PÅMELDING LANGRENN Direkte påmelding til minidrett.no Påmelding til oppmann TERMINLISTER LANGRENN 2011-12 (ny. OKT.2011) TERMINLISTE BUSKERUD LANGRENN OG TURRENN, BUSKERUD inkl. Norgescup og mesterskap ^KJØP OG SALG RIMELIGE OG GODE SKISKO TIL SALGS BILLIG SKIUTSTYR TIL SALGS Følg Pål her LÆR SKØYTING MED THOMAS ALSGAARD

Forslag til endringar/forbetringar? send post til webmaster