Golsfjellet Rundt-jubileum med rekorddeltakinG

Golsfjellet Rundt markerte 25års-jubileum med rekorddeltaking og flotte forhold for løparane. Heile 270 løparar tok turen rundt fjellet. Kristen Åby vann som i fjor, men var berre eit sekund før Per Øyvind Mythe frå Hemsedal denne gongen.
Samstundes med Golsfjellet Rundt gjekk Gol Skiathlon. Her var det 70 løparar, flest i dei yngre klassene mellom anna på grunn av norgescupen på Hovden.
Fleire av løparane våre gjekk flotte løp. Både Morten, Kari og Ola tok fine andreplassar, og ikkje minst synst løparane det var kult med skibyte…..
Arrangementet vart som vanleg strøkent arrangert, takka vere alle friviljuge som stilte opp både før, under og etter rennet søndag.